Ертең ауа райы қандай болады?

Ертең ауа райы қандай болады?

Синоптиктер 3 қазанда еліміздің бірнеше өңірінде ауа райына байланысты дауылды ескерту жариялады.

Батыс Қазақстан облысында жел оңтүстік-шығыстан соғады, облыстың батысында, солтүстігінде, оңтүстігінде екпіні 15-20 м/с. Орал қаласында жел оңтүстік-шығыстан соғады, күндіз екпіні 18 м/с.

Атырау облысының батысында, оңтүстігінде шаңды дауыл күтіледі. Оңтүстік-шығыстан жел соғады, облыстың басым бөлігінде 15-20, облыстың батысында екпіні 23 м/с күтіледі. Атырау қаласында  оңтүстік-шығыстан жел соғады, екпіні 15-20 м/с.

Күндіз Түркістан облысының таулы аудандарында найзағай күтіледі. Облыстың солтүстігінде, батысында шаңды дауыл күтіледі. Шығыстан жел соғады, облыстың солтүстігінде, батысында, таулы аудандарында күші 15-20 м/с. Түнде облыстың солтүстігінде топырақ бетінде 2 градус үсік күтіледі. Облыстың басым бөлігінде төтенше өрт қаупі сақталады. Түркістан қаласында кей уақытта шаңды дауыл күтіледі, шығыстан жел соғады, екпіні 15-20 м/с.

Маңғыстау облысының батысында, оңтүстігінде, орталығында шаңды дауыл күтіледі. Оңтүстік-шығыстан жел соғады, облыстың батысында, оңтүстігінде, орталығында 15-20, екпіні 23 м/с күтіледі. Ақтау қаласында шаңды дауыл күтіледі. Оңтүстік-шығыстан жел соғады, екпіні 15-20 м/с күтіледі.

Күндіз Қызылорда облысының орталығында шаңды дауыл күтіледі. Жел солтүстік-шығыстан соғады, күндіз облыстың орталығында күші 15-20 м/с күтіледі. Түнде облыстың солтүстігінде топырақ бетінде 2 градус үсік күтіледі. Төтенше өрт қаупі сақталады. Қызылорда қаласында төтенше өрт қаупі сақталады.

Түнде Ақтөбе облысының шығысында 1 градус үсік күтіледі.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.