Қазақстанда егін бітік шықса да, нан бағасы қымбаттады. Ауыл шаруашылығы министрі Ербол Қарашөкеев қымбатшылықтың себебін түсіндірді, – деп хабарлайды Aikyn.kz.
«Нан бағасы 4 қазанда 11,9 пайызға қымбаттады. Ауыл шаруашылығы министрлігі мен «Азық-түлік келісімшарт корпорациясы» биыл қаңтардан қыркүйекке дейін астықтың бір тоннасын 90 мың теңгеден жеткізді. Қазан айынан бастап жылдың соңына дейін өңірлер жаңа астықты өзі сатып алып жатыр. Биыл астық бағасы жылдың ортасындағы бағамен салыстырғанда біршама төмендеді. Нан бағасының көтерілуі электр энергиясы, коммуналдық қызметтер қымбаттаған соң өсіп жатыр», – деді министр.
Бұған дейін сүт пен еттің бағасы қымбаттағаны туралы жазған болатынбыз.
