Кореядағы Қазақстан елшілігінің мәліметінше, қаза тапқандар арасында Қазақстан азаматы да бар. Бұл туралы Сыртқы істер министрлігінің баспасөз қызметі хабарлады.
Сеул қалалық жедел штабы мен полицияның мәліметінше, Итэвон ауданындағы Хэллоуин мерекесі кезінде қайғылы оқиға салдарынан қаза тапқандардың арасынан 1996 жылғы Ақтөбе облысының тумасы табылды. Ол Корея Республикасының жоғары оқу орнының студенті болған.
«Қазақстандық дипломаттар қаза тапқан азаматтың туыстарымен байланысқа шығып, құжаттарды ресімдеуге және мәйітті Қазақстанға одан әрі жеткізуге барлық қажетті көмек көрсетуге дайын» делінген ресми хабарламада.
