World Boxing News порталы 2022 жылғы қарашадағы жағдай бойынша салмақ дәрежесіне қарамастан (pound for pound), әлемдегі ең үздік 50 боксшының рейтингін жариялады, – деп хабарладыSports.kz сайты.
Біраз бұрын WBO нұсқасы бойынша орта салмақтағы өзінің әлем чемпионы титулын сәтті қорғаған қазақстандық боксшы Жәнібек Әлімханұлы алғаш рет тізімге енді. Ол рейтингте 49-орында тұр.
Ал IBF, WBA Super және IBO орта дивизионының иегері Геннадий Головкин тізімнің 28-орында.
Рейтингте украиналық супер ауыр салмақтағы WBA, WBO және IBF чемпионы Александр Усик көш бастады. Ал 2-орында екінші орта салмақтағы абсолютті әлем чемпионы мексикалық Сауль «Канело» Альварес тұр.
