Жұмбақ жағдайда көз жұмған блогердің өлімі: тағы бір тың дерек шықты
Жұмбақ жағдайда көз жұмған блогердің өлімі: тағы бір тың дерек шықты
© stan.kz
Оралда жұмбақ жағдайда қаза тапқан ақтөбелік блогер әрі вайнер Мұрат Бірмағамбетовтің өліміне қатысты тағы бір тың дерек шықты, – деп хабарлады exk.kz. БҚО Полиция департаментінің мәліметіне сүйенсек, блогер Мұрат Бірмағамбетовтің денесі Орал қаласынан табылған. Аталмыш қайғылы оқиға 27 қараша күні «Жеңіс» ықшамауданында болған екен.
Сағат 10:40-та 7-үйдің жанынан 1984 жылғы ер адамның мүрдесі табылды. Ол жетінші қабаттың балконынан секіріп, суицид жасаған. Оқиға орнынан оның өзі қалдырған жазбасы табылды. ҚР ҚК 105-бабына сәйкес сотқа дейінгі тергеу амалдары жүргізілуде, – дейді БҚО ПД баспасөз қызметіндегілер.
Дәл қазір қайғылы оқиғаның мән-жайы тексеріліп, анықталу үстінде. Айта кетейік, 19 қарашада жоғалған ақтөбелік Мұрат Бірмағамбетовті бүкіл жергілікті жұрт қаладан шарқ ұрып іздеген еді. Блогер үйінен шыққаннан кейін қайта оралмаған. Ал 27 қараша күні марқұмның денесі табылғаны жайлы жантүршігерлік хабар тарады.