«Кедергісіз келешек» шынымен кедергісіз болуға тиісті

«Кедергісіз келешек» шынымен кедергісіз болуға тиісті

«AMANAT» партиясы Іле аудандық филиалындағы партиялық бақылау комиссиясының төрағасы, аудандық мәслихат депутаты С.Жарқынбеков жетекшілік ететін  комиссия мүшелері және аудандық мәслихат депутаттары  партияның  Сайлауалды бағдарламасына енгізілген жобалардың, міндеттердің  жүзеге асырылуын  үнемі назарда ұстап келеді. Соның ішінде «Жол картасының» және «Кедергісіз келешек» партиялық жобасының белгіленген мерзімде, сапалы орындалуы тұрақты бақыланады. Мүгедектігі бар жандардың  қоғам өмірінен тысқары қалмауы, мемлекеттің игілігі мен қолдауын басқалармен бірдей сезінуін де көңілден тысқары қалдырған емес.

«Кедергісіз келешек» шынымен кедергісіз болуға тиісті

Күні кеше жоғарыда айтылған комиссия мен аудандық мәслихат депутттары партиялық  бақылау аясында Боралдай кентіндегі ауылдық кітапхана мен Междуреченск ауылындағы Мәдениет үйінің мүмкіндігі шектеулі жандарға қолжетімді болуы үшін жасалуға тиісті жағдайды тексеріп көрді. Нақтырақ айтқанда, руханият орындарына мүгедектердің кедергісіз кіріп-шығуы үшін баспалдақтардың пандустармен жабдықталуына қатысты жұмыстарды зерделеді және дәл қазіргі кезде аталған нысандардың мүмкіндігі шектеулі жандарға қолжетімділігі белгіленген санитарлық нормаларға сай екендігін анықтады. Ал Өтеген батыр ауылындағы аудандық балалар мен жасөспірімдер спорт мектебінің ғимаратына  мүмкіндігі шектеулі жандарға қолжетімді болуы үшін пандус құрылысы салынып біткен, тек шақыру қоңырауын орнату сынды бірқатар жұмыстар алдағы аптада аяқталуға тиісті болып шықты. Депутаттық фракция рейд кезінде анықталған кейбір кемшін тұстарды өз отырысында қарап, тиісті шешімдер қабылдау үшін жауапты органдарға сауал жолдайды.

«Кедергісіз келешек» шынымен кедергісіз болуға тиісті

Болат Абаған, Алматы облысы.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.