ESPN Ringside Twitter аккаунтында қарсылас табу қиынға соғатын боксшылар туралы жазба жарияланды. Әлеуетті қарсыластары ең көп қашатындардың арасында WBO орта салмақтағы әлем чемпионы қазақстандық Жәнібек Әлімханұлы да бар. Сондай-ақ бұл тізімге Шакур Стивенсон, Джарон Эннис, Верджил Ортис және Давид Бенавидес те кірген. Ресурста: «Дәл қазір қарсыластары ең көп қашатын боксшы кім?» деген сұрақ қойылып, үміткерлердің тізімі көрсетілген. Бұған дейін Жәнібек Әлімханұлымен жекпе-жек өткізуден бұрынғы әлем чемпиондары Хайме Мунгия мен Деметриус Андраде бас тартқан болатын.