«АМАNАТ» партиясы – халықтың партиясы. Бүгінде бүкіл елмен бірге өзгеріп келе жатқан жаңарған партия. Біз сайлауға мәселемізді шешетін, өмірімізді жақсартатын бағдарламамен барамыз. Бұл бізге көмек сұрап, ұсыныс білдіргендердің барлығының демеушілігімен жасалған бағдарлама», – деді үміткерлер жиналғандарға.Осылайша, сапалы білім алуға жағдай жасау мәселесіне, балабақшалардың жетіспеуі мен мектептердің толып кетуіне көп көңіл бөлінді. Сайлаушылар қалыптасқан жағдайды реттеу бойынша бірқатар ұсыныс айтты: партия мүшелері балабақшалар мен шағын орталықтардың санын көбейтуді, мектепке дейінгі білім беру үшін қолданыстағы нысандардың қуатын кеңейтуді, барлық өңірлерде бастауыш сынып оқушыларын тегін ыстық тамақпен қамтамасыз етуді, үш ауысымда оқыту және т.б. мәселелерді шешуді көздеп отыр, Айтылған тағы бір маңызды мәселенің бірі – сапалы дәрі-дәрмекпен қамту. Облыста 244 дәрігер жетіспейді. Туберкулезден өлім-жітім көбейіп, бала туу көрсеткіші төмендеген. «АМАNАТ» партиясы әрбір азамат тұрғылықты жері мен материалдық жағдайына қарамастан, қажетті кәсіби медициналық көмекті дер кезінде алуы керек деп есептейді. Партиялықтар жариялаған барлық шаралар 2027 жылға қарай медициналық ұйымдардың материалдық-техникалық базасын нығайту көрсеткішін арттыруға және медицина қызметкерлерінің тапшылығын шешуге мүмкіндік береді. Облыстық мәслихат депутаттығына кандидат Наталья Нагачевская қоғамдық қабылдауларға жүгінген ақмолалықтардың мәселелерін шешуде партияның рөлін ерекше атап өтті. Кандидат партия тарапынан мәдени мәселелерді шешуге де тоқталды.
Қатысушылар үміткерлерге бірқатар сұрақ қойды. Мәселен, келгендерді аутист балалардың мәселесі, атап айтқанда олардың мектепке бару мүмкіндігі және осындай балаларды сауықтыру орталығының салынуы алаңдатты. Атап өткендей, жақын арада мұндай орталықтар еліміздің барлық өңірлерінде пайда болмақ.
Үміткерлер мәдениет қызметкерлері мен кітапханашылардың жалақысы ең төмен – орта есеппен 120 мың теңге шамасында екенін мойындады. Мәдени мұрамызды сақтау, рухани-мәдени дамуға жағдай жасау, бос уақытты тиімді өткізу үшін кешенді шаралар қажет. Партия мәдениет және мұрағат қызметкерлерінің жалақысын 77 пайызға арттыруды көздеп отыр.
Орыс тілінде оқытатын мектептерде қазақ тілін оқыту мәселесі де айтылды. Тіпті, «Алтын белгі» иегерлерінің өзі қазақ тілін тиісті дәрежеде білмейтіндіктерін айтты. Мектептерде мемлекеттік тіл неліктен сапасыз оқытылады деген пікірлер туындады. Үміткерлер бұл бағыттың партия бағдарламасында да көрініс тапқанын атап өтіп, мемлекеттік тілді кеңінен насихаттау, қолдану аясын кеңейту, Қазақстан халқының тілдерін дамыту бағытында жүйелі жұмыс жүргізуге уәде берді. Кандидаттар жиналғандарды алдағы сайлауда «АМАNАТ» партиясының кандидаттарын қолдауға шақырды.
«АМАNАТ» партиясының сайлауалды бағдарламасы – әрбір азаматтың әл-ауқатын арттыруға бағытталған нақты іс-шаралар бағдарламасы. Сіздерді «АМАNАТ» партиясымен бірге сайлау учаскелеріне келіп, Жаңа Қазақстан мен жарқын болашақ үшін дауыс беруге шақырамыз!» – деп қорытындылады үміткерлер.
Ақмола облыстық мәслихаты депутаттарының сайлауында партиялық тізімді ұсынған "AMANAT" партиясы Сайлау қорының қаражатынан төленді.