«AMANAT» партиясы Жамбыл облыстық филиалы тарапынан уақытша жұмысшы топ Жамбыл ауданының Бесағаш – Түркісіб елді мекендеріне жүргізіліп жатқан ауызсу жүйесінің құрылыс жұмыстарына рейд жүргізді.
Мұндағы жұмысты мердігер компания «Көлсай строй» ЖШС 2021 жылдың қыркүйек айында бастаған. Құрылыс өткен жылдың 8 қазанында толықтай аяқталуы тиіс болатын. Дегенмен компания өзіне жүктелген міндетті толық орындамай, құрылыс әлі күнге созбалаңға салынып келеді.
Осы орайда, мердігер ұйымға құрылыс жұмыстарын жүргізу талаптары сақталмауы бойынша актілер толтырылып ескертулер берілген. Ескертулер бойынша қабылданған шаралар жеткіліксіз болып, Жамбыл облысы әкімдігінің мемлекеттік сәулет-құрылыс бақылау басқармасына тиісті хат жолданды.
Партия облыстық филиалы жанынан құрылған топ рейд барысында Бесағаш –Түркісіб елді мекендерін ауызсу жүйесінің құрылыс жұмыстарымен танысып, «Көлсай строй» ЖШС мердігеріне Бесағаш ауылына ағымдағы жылдың 20 сәуіріне дейін Түркісіб ауылына 20 маусымға дейін ауызсуды қосу туралы ұсыныс берді.
