Қарсыласы жастар арасында Еуропа чемпионы атанған.
Нұрбек Оралбай әлем чемпионатындағы алғашқы жекпе-жегінде жеңіске жетті

Өзбекстан астанасы Ташкент қаласында өтіп жатқан әлем чемпионатының бесінші жарыс күнінде Нұрбек Оралбай (80 келі) алғашқы жекпе-жегін өткізді.

Қазақстандық спортшы әзербайжандық Мұрад Аллахвердиевпен қолғап түйістірді. Қарсыласы жастар арасында Еуропа чемпионы атанған.

Жекпе-жек барысында Нұрбек жинақы қимыл көрсетті. Нәтижесінде төрешілердің бірауыздан шешімімен қарсыласынан басым түсті.