Түркістан облысының құрылғанына 5 жыл толуына орай ұйымдастырылған жарыста қатысушылар үш күн бойы бақ сынады. AMANAT CUP жеңімпаздарын облыстық партия филиалының төрағасы Алтынсары Үмбетәлиев салтанатты түрде құттықтады.
– Спорттың денсаулық кепілі екені баршамызға аян. Біздің мақсаты-мыз – тәні мен жаны сау ұрпақ тәрбиелеу, жастардың спортқа деген қызығушылығын арттыру, ойлау қабілетін дамыту, көрген-білгені мен алған білімін тереңдету, салауатты өмір салтын дамыту. Турнирге қатысқан барлық теннисшілерді шын жүректен құттықтаймын! Барлықтарыңыз да бүгінгі жарыста табандылық, жоғары спорттық шеберлік және қажымас қайраттылық таныттыңыздар деп білемін. Турнирдің сәтті өтуіне үлес қосқан төрешілер мен бапкерлерге және қатысушыларға, сондай-ақ қолдаушыларға өз алғысымды білдіремін, – деді партия төрағасы.
Турнирде 200-ге жуық жасөспірім бақ сынады. Қыздар арасындағы жеңімпаздар қатарында Шодина Камилжанова, 2010-2012 жылдар аралығындағы жасөспірімдер арасында Мафтуни Ханиязова, ал 2005-2009 жылдар аралығындағы жасөспірімдер бойынша Шахзода Ахмадилиева, 2013 жылғы және одан төмен жасөспірімдердің ұлдар арасында Абай Жұмағұл бірінші орынды еншіледі. Ұлдар арасындағы одан өзге түрлі сайыстарда Марлен Жұмағұл, Самат Төлебаев Әкімәлі Бақдәулет және Болат Бакуов, Ким Николай топ жарды.
136 ұл мен 64 қыз іріктелген турнирге Түркістан облысына қарасты аудан, қалалардан бөлек, Шымкент қаласы, Жамбыл және Қызылорда облысы, сондай-ақ Қырғызстан мемлекетінен теннисшілер қатысты.
Назгүл НАЗАРБЕК,
Түркістан облысы