Италияда өтіп жатқан бокстан Олимпиадаға іріктеу турнирде қазақстандық Нұрбек Оралбай екінші жекпе-жегін өткізді, - деп хабарлайды Aikyn.kz.
80 келіге дейінгі салмақта өнер көрсеткен боксшымыз тоголық Преда Пабававимен кездесіп, оны айқын басымдықпен жеңді.
«Құдай қаласа, енді екі жекпе-жек қалды. Қазақ елін қуанту үшін бар күшімізді саламыз. Қолдауларыңызға үлкен рақмет, сезіліп жатыр. Әрине, мұнда әлсіз боксшылар келмейді. Қазақ бокс мектебін көрсетіп, жеңіске жетіп жатырмыз», - деді Нұрбек Оралбай.
Айта кетейік, Олимпиада ойындарына жолдама алу үшін осы турнирдің жартылай финалына шығуы керек.