"Қазгидромет" РМҚ 10 наурызға арналған ауа райы болжамын жариялады, – деп хабарлайды Aikyn.kz.
Синоптиктердің болжамы бойынша, Қызылорда облысының солтүстігінде, орталығында тұман болады. Желдің екпіні – 15-20 м/с. Қызылордада да тұман түседі.
Семейде оңтүстік-батыстан 15-20 м/с жылдамдықпен жел соғады.
Түркістан облысының оңтүстігінде, таулы аудандары мен тау бөктерінде жаңбыр жауып, найзағай ойнайды. Желдің екпіні – 15-20 м/с. Шымкентте де жауын-шашын болады, найзағай ойнайды.
Астанада жауын-шашын (жаңбыр, қар), көктайғақ, тұман болады. Желдің екпіні – 15-20 м/с.
Солтүстік Қазақстан облысының солтүстігінде, шығысында қар жауады. Облыстың солтүстігінде, оңтүстігінде, шығысында боран, көктайғақ болуы мүмкін. Түнде және таңертең облыстың солтүстік-батысында тұман түседі. Желдің екпіні – 15-20 м/с. Петропавлда қар ұшқындап, жаяу бұрқасын жүреді. Желдің екпіні – 15-20 м/с.
Өскеменде соққан желдің екпіні 15-20 м/с болады.
Батыс Қазақстан облысының солтүстігінде, батысында тұман, көктайғақ болады. Орал қаласында көктайғақ болуы ықтимал. Түнде және таңертең тұман болады.
Павлодар облысында түнде жауын-шашын, күндіз өңірдің солтүстігінде, шығысында жауын-шашын (қар, жаңбыр) болады. Облыстың солтүстігінде, шығысында көктайғақ болуы ықтимал. Желдің екпіні – 25 м/с. Павлодарда жауын-шашын (қар, жаңбыр) болады. Кей тұста соққан желдің екпіні – 23 м/с.
Қостанай облысының батысында, солтүстігінде, оңтүстігінде қар ұшқындап, жаяу бұрқасын жүреді. Облыстың солтүстігінде, оңтүстігінде тұман түседі. Күндіз облыстың оңтүстігінде көктайғақ болады. Желдің екпіні – 15-20 м/с.
Ақмола облысында түнде жауын-шашын, күндіз облыстың солтүстік-батысында, шығысында жауын-шашын (жаңбыр, қар), көктайғақ болады деп күтіледі. Облыстың солтүстігінде, шығысында қарлы боран, ал өңірдің батысында, оңтүстігінде, шығысында тұман болады деп болжанады.
9-10 наурыз аралығында күндіз ауа температурасы жоғарылауы мүмкін. Қардың қарқынды еруіне байланысты Ақтөбе облысының Ырғыз, Мұғалжар және Шалқар аудандарында қызыл су белең алуы мүмкін.