Аммандағы бокстан іріктеу бойынша тағы үш олимпиадалық лицензияны қазақстандықтар жеңіп алды, деп хабарлайды ҚР Ұлттық Олимпиада комитетінің баспасөз қызметі.
«Бокстан жасөспірімдер Олимпиадасының қола жүлдегері Надежда Рябец Токиодағы үлкен Олимпиада ойындарына жолдама алды. Ол Амманда (Иордания) өткен Азия ойындарында 75 келіге дейінгі салмақ дәрежесінде сәтті өнер көрсетті. Жартылай финалға шығу үшін Надежда вьетнамдық қарсыласы Ти Хуон Нгуенмен жұдырықтасты. Нәтижесінде ол жеңіске жетті. Осылайша ол өзін қазірдің өзінде лицензиямен, жартылай финалға шығу мүмкіндігімен және қола медальмен қамтамасыз етіп отыр», – делінген дүйсенбі күнгі хабарламада.
Токио Олимпиадасына жолдама алған келесі боксшымыз Әбілхан Аманқұл болды.
«Ширек финалда Әбілхан Аманқұл (75 келіге дейін) өзбекстандық Фанат Кахрамоновпен кездесті. Аманқұл төрешілердің бірауыздан қабылдаған шешімімен жеңіске жетті», – делінген хабарлама.
Команда капитаны Қамшыбек Қонқабаев та Қазақстанға лицензия алып берді.
«Аммандағы Бокстан олимпиадалық іріктеудің жарыс күні аяқталды. Соңғы жекпе-жекте 91 кг-дан жоғары салмақ дәрежесінде Қазақстан командасының капитаны Қамшыбек Күнқабаев шықты. Ол Қытай спортшысы Маймайити Айемаитимен кездесті. Қазақстандық төрешілердің бірауыздан қабылдаған шешімімен жеңіске жетіп, жартылай финалға және Токиоға жолдама алды», – делінген хабарламада.
Енді Қазақстан командасының құрамында алты лицензия бар. Бұдан бұрын 2020 жылғы Олимпиада ойындарына Абылайхан Жүсіпов (69 келіге дейін), Бекзад Нұрдәулетов (81 келіге дейін) және Василий Левит (91 келіге дейін) баратыны белгілі болған еді.
