Атыраудағы сот Қазақстанды Ресейге қосу туралы пікір айтқан ер адамды жауапкершіліктен босатып жіберген.
Қазақстанды Ресейге қосу туралы пікір айтқан ер адам жазадан құтылып кетті
www.istockphoto.com
4,831
оқылды

Бұл туралы Аikyn.kz сайты Stan.kz-ке сілтеме жасап хабарлайды. 

Қолына қару ұстаған ер адамның "Қазақстан жақын арада Ресейге қосылады" деп айтып, жанындағы бірнеше адамның күлгені естілген бейнежазба желіде кеңінен тарап кеткен болатын. 

“Біз тұратын қала Атырау деп аталады. Бұл қала  Самарадан небәрі 500 шақырым жерде. Мұнда 50% орыстар болған, қазір жан-жақтан келіп, ақырындап бізге қысым көрсетіп жатыр. Бірақ біз Беларусь сияқты Қазақстан да Ресейсіз ешқайда бара алмайды деп есептейміз. Менің атым Максим, ең бастысы, ҰҚК басып кірмесе болды", – дейді ер адам. 

Кейін желіде Максимнің екінші видеосы пайда болды. Онда ол өзінің пікірі бұрмаланғанын және шын мәнінде Қазақстан азаматы екенін айтып, сөзі үшін елден кешірім сұрайды.

Облыстық Полиция департаменті қаңтарда күдіктінің үстінен заңсыз қару мен есірткі сақтағаны, сондай-ақ ұлтаралық араздықты қоздырғаны үшін қылмыстық іс қозғағанын хабарлады. Алайда психофизиологиялық сараптама ұлттық немесе діни араздықты қоздыру фактісін анықтаған жоқ. Нәтижесінде, бұл айып бойынша қылмыстық іс тоқтатылды. Алайда есірткі мен қаруды заңсыз сақтағаны үшін жауапқа тартылған.