Боксшы Назым Қызайбай Париж Олимпиадасының жартылай финалына шықты, - деп хабарлайды Aikyn.kz.
Боксшымыз Назым Қызайбай (50 келі) Париж Олимпиадасының ширек финалында Ингрит Лорена Валенсия Викторияны (Колумбия) сенімді түрде жеңді.
Төрешілер есебі: 4-1.
Қуанышымызға орай, Назым бокстан команда қоржынына кемі екінші қола жүлдені салды.
Енді Назым финалға берілер жолдаманы сарапқа салады.
Айта кетейік, Назым Парижде алғаш рет Олимпиадаға қатысты. Осыған дейін 2 рет Азия чемпионатында топ жарып, Азия чемпионы атанған.
Ал Ингрит Лорена – Рио Олимпиадасының қола жүлдегері. Осымен 3-рет Олимпиадаға қатысып тұр.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.