V Дүниежүзілік көшпенділер ойындары аясында өтіп жатқан көкпар жарысында Қазақстан ұлттық құрамасы финалға шықты, – деп хабарлайды Aikyn.kz Туризм және спорт министрлігінің баспасөз қызметіне сілтеме жасап.
Қазақстандық көкпаршылар Ресей командасын 18:2 есебімен жеңіп, Дүниежүзілік көшпенділер ойындарының финалына жолдама алды.
Финалда Қазақстан Қырғызстан-Түркия кездесуінде жеңіске жеткен командамен алтын жүлдені сарапқа салады.
«Қазанат» ипподромында өтіп жатқан көкпар бәсекесіне 9 мемлекеттің құрамасы қатысып жатыр. Бұл спорт түрінен барлығы 104 спортшы сынға түседі.
Көкпардан бақ сынайтын құрамалар: Қазақстан, АҚШ, Ресей, Өзбекстан, Қырғызстан, Мажарстан, Қытай, Моңғолия және Түркия.