Ерасыл Қажыбаев «Қазақстан Барысы-2024» турнирінің жеңімпазы атанды, – деп хабарлайды Aikyn.kz.
Елордада қазақ күресінен жыл сайынғы «Қазақстан Барысы-2024» турнирінде Абай облысының атынан қатысқан Ерасыл Қажыбаев жеңімпаз атанды.
Финалдық бәсеке белдесуге дейін созылып, Ерасыл Қажыбаев Ерсұлтан Мұзаппаровтан (Шымкент.қ) жеңісті жұлып алды.
Ерасыл Қажыбаев төртінші рет финалға шығып, жеңіс тұғырынан көрінді.
Айта кетейік, турнирдің жалпы жүлде қоры 27 100 000 теңге, оның ішінде 3 720 000 теңге спортшылардың жаттықтырушыларына беріледі. Жүлделер келесідей бөлінеді: 1-орын үшін – 15 000 000 теңге, 2-орын үшін – 3 300 000 теңге, 3-орын үшін – 1 080 000 теңге.
Әр жеңіске жеткен белдесуі үшін балуан 100 000 теңге алады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.