Бадминтоннан Қазақстан құрамасының көшбасшысы Дмитрий Панарин Замбияның Лусака қаласында өткен Zambia International Challenge 2024 халықаралық турнирінде жеңіске жетті, – деп хабарлайды Aikyn.kz Olympic.kz-ке сілтеме жасап.
Жарысқа 25 мемлекет қатысты. Сол додада Дмитрий Панарин жоғары деңгейде өнер көрсетіп, ел намысын абыроймен қорғады.
Айта кетейік, Панарин биыл Парижде өткен Олимпиада ойындарына қатысып, бадминтоннан Олимпиадаға жолдама алған алғашқы қазақстандық спортшы ретінде тарихқа енді.