Амманда өткен Токио Олимпиадасына іріктеу турнирінде 9 бірдей спортшы жеңіске жетіп, лицензия ұтып алды. Жерлестерінің жеңісті сәтіне қуанған Геннадий Головкин Twitter-де алғыс айтып, өз ризашылығын білдірген.
«Бокстан Қазақстан құрамасын Олимпиадаға жолдама алуымен құттықтаймын. Сіздер Иорданияда керемет көрсеткіш көрсеттіңіздер. Әр спортшының өз елінің намысын қорғауы қаншалықты маңызды екенін жақсы білемін. Токиода да сіздерге жанкүйер боламын» делінген жазбасында.
Олимпиада-2020 ойындары 24 шілде мен 9 тамыз аралығында Жапонияның Токио қаласында өтеді деп жоспарланған еді. Коронавирус қаупіне байланысты Олимпиадаға өзгеріс бола ма, болмай ма, әзір белгісіз...
Гүл БЕКЗАТ
