5 желтоқсаннан бастап еліміздің кинотеатрларында «Сэлфи с предками» балаларға арналған алғашқы отандық фэнтези-фильмі көрерменге жол тартады.
Кинотуындыда Инсар есімді оқушының басынан өткен оқиғасы баяндалады. Инсар – 5-сынып оқушысы. Оның бойындағы ерекше қабілеттері басты назарда болады.
Ол өз әкесі сияқты Төтенше жағдайлар департаментінің қызметкері, батыр болғысы келеді. Бірақ, бұл жолда баланың бойындағы ішкі қорқыныш пен сенімсіздік тұрып алады. Фильм достық, батырлық, отбасылық құндылықтар және бойдағы сенімсіздік секілді маңызды мәселелерді қозғайды. Балалардың түсіну керек дүниесі – нағыз күш – өзіңе деген сенімділікте!
Фильмнің алдын ала көрсетіліміне түсірілім командасы, актерлер, блогерлер мен басқа да медиа тұлғалар, журналистер және зиялы қауым өкілдері қатысады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.