Әлемнің 337-ракеткасы Жібек Құламбаева Нави-Мумбай қаласында (Үндістан) өтіп жатқан ITF W50 турнирінің ширек финалына шықты, – деп хабарлайды Aikyn.kz.
ҚР ҰОК мәліметінше, Қазақстан теннисшісі 1/8 финалда әлемдік рейтингте 991-орында тұрған жапониялық Анри Нагатамен кездескен. Нәтижесінде 6:4, 7:5 есебімен Жібек Құламбаева жеңіске жетті.
Айта кетейік, Жібек Құламбаева жартылай финалға шығу үшін әлемнің 401-ракеткасы индонезиялық Приска Маделин Нугрохомен кездеседі.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.