Сайыста Қазақстанның жас шахматшылары 10 медаль жеңіп алды. Оның ішінде Елназ Қалиахмет пен Даниял Сапенов алтын иегері атанды.
– Биыл шахмат әуесқойлары үшін сәтті жыл болды. Өйткені біздің жас жігіттер тамаша өнер көрсетіп, медаль саны жағынан рекорд орнатты. Рапид пен блицтен жастар арасындағы әлем чемпионаты да осы сарында жалғасты. Қазір қоржынымызда 10 медаль бар. Мен шахматшылар мен жаттықтырушыларды және ата-аналарымызды керемет нәтижемен құттықтаймын. Бұл үлкен спорттық жолдың бастамасы ғана екеніне сенімдімін, – деп атап өтті Қазақстан шахмат федерациясының президенті Тимур Тұрлов.
U14-U18 жастар арасындағы рапид және блиц бойынша әлем чемпионатына (FIDE World Youth Rapid & BlitzChampionships 2024) 36 елден 320-дан астам жас шахматшы қатысады. Қатысушылар арасында 1 гроссмейстер (GM), 4 халықаралық шебер (IM), 1 халықаралық әйелдер шебері (WIM), 37 ФИДЕ шебері (FM) және 15 әйелдер ФИДЕ шебері (WFM) бар.