Белгілі қазақстандық волейболшы Сабина Алтынбекова индонезиялық"Yogya Falcons" волейбол клубының капитаны атанды, – деп хабарлайды Aikyn.kz.
Бұл туралы ол өзінің әлеуметтік желідегі парақшасында жариялады.
"Мен үшін Yogya Falcons командасының капитаны болу – үлкен құрмет. Бүкіл командаға, жаттықтырушыларға, менеджерлерге, клуб директорына көрсеткен сенімі үшін алғыс айтамын. Капитан болу мен үшін жаңа нәрсе емес, сондықтан бұл міндеттің қаншалықты жауапты екенін жақсы білемін. Сенімді ақтаймын. Бүгін алғашқы ойынымызды өткізіп, 3:0 есебімен жеңіске жеттік. Қателіктер де болды, бірақ біз оларды түзетуге дайынбыз және 2025 жылғы Пролигаға дайындаламыз. Алда үлкен жеңістер, жаттығулар күтіп тұр", – деді ол.
Бұған дейін Сабина Алтынбекованың индонезиялық клубқа ауысатынын мәлімдегені туралы жазған едік.