Танымал кәсіпқой боксшы Жәнібек Әлімханұлының келесі қарсыласы кім екені белгілі болды. Сондай-ақ кезекті жекпе-жек Астана қаласында өтеді, – деп хабарлайды Aikyn.kz.
Кездесу 2025 жылғы 5 сәуірге жоспарланған. Осы ретте боксшы алдағы жекпе-жекке қатысты үндеу жасады.
– Құрметті жанкүйерлер, бұйыртса, 5 сәуір Астана қаласында жұдырықтасамыз!Өз елімде, сіздердің алдарыңызда өнер көрсетуді мақсат етіп жүр едім, оған да жеттік! Бұйыртса, екі әлем чемпионы титулын қорғаймыз!
Qazaq Style-ды ринг қасында, аренада отырып тамашалайсыздар! Жеңісті күнде жүздесейік! – деп жазды Жәнібек Әлімханұлы.
Qazaq Style-дың қарсыласы – франциялық Анауэль Нгамиссенге (14-0, 9 КО).