Дональд Трамп бір ғана жарлықпен Мексиканы Америка шығанағына айналдырды

Aikyn.kz жүздеген жылдар бойы өзгермеген географиялық атаулардың алынып тасталу себебін techcrunch.com сайтының хабарламасына сүйеніп түсіндіреді.

Президент географиялық атауларды өзгерту – Американың ұлы жасау стратегиясының бір бөлігі екенін айтады. Фото dispatch.com сайтынан алынды. Авторлығы: Straight Arrow News

Дүйсенбіде (10 ақпан) Google Maps ресми түрде Мексика шығанағының атауын «Америка шығанағы» деп өзгертті. АҚШ президенті Дональд Трамп инаугурация күні 200-ге жуық жарлық, меморандум  мен өкімге қол қойды. Солардың ішінде Мексика шығанағының атауын Америка шығанағы деп өзгерту туралы жарлық та болған. Осы жарлыққа сәйкес, Барак Обаманың МакКинли тауының атын жергілікті халықтар ғасырлар бойы қолданып келген Денали атауына өзгерту туралы шешімін де жойған болатын. Мексика шығанағы да XVI  ғасырдан бері осындай атаумен барлық карталар мен анықтамаларда белгіленіп келген еді.

Президент географиялық атауларды өзгерту «Американың ұлылығы тарихындағы америкалық мақтаныш сезімін [қалпына келтіру]» стратегиясының бір бөлігі екенін айтады.

АҚШ-та Мексика шығанағының атауын Америка шығанағы, әлемнің басқа аймақтарында екі атау, Мексикада тек Мексика шығанағы деп жазылған. Скриншот Google Maps платформасынан алынған

Дүйсенбі күні (10 ақпан) түстен бастап АҚШ-тағы Google Maps пайдаланушылары Мексика шығанағының атауын Америка шығанағы болып өзгергенін көрді. Әлемнің басқа аймақтарында екі атау да көрсетіледі. Ал мексикалық пайдаланушылар тек Мексика шығанағы деген бұрынғы атауды көреді. Google барлық тараптардың көңілін табу саясатының үлгісін осылай түсінген сияқты.

Google қаңтар айында Америка Құрама Штаттарының географиялық атауларының ақпараттық жүйесінде жер атаулары жаңартылғаннан кейін президенттің жарлығын орындайтынын жариялаған.

АҚШ президенті Дональд Трамп Мексика (Америка) шығанағының үстімен ұшып бара жатып, 9  ақпанды «Америка шығанағы күні» деп атау туралы прокламацияға (жарлық) қол қойған сәті мына видеода:

Мексика президенті Клаудиа Шейнбаум Google-ға компанияның Мексика шығанағының атын  Google Maps деп өзгерту туралы шешіміне күмәнмен қарайтыны туралы хат жолдаған. Дегенмен Google-дың шығанақ атауын өзгерту туралы шешімі оның елдер арасындағы атау айырмашылықтарын қалай қабылдауға болатыны туралы қолданыстағы саясатына сәйкес келеді. Мобильді құрылғыларда Google карталары пайдаланушының операциялық жүйесі, SIM картасы және желісі арқылы анықталған елдің орналасқан жеріне сәйкес өзгереді.

Дональд Трамп АҚШ-тың туын жоғары көтеріп, елін ұлы жасағысы келеді. Фото rollingstone.com сайтынан алынды. Авторлығы: Getty Images / Sean Rayford

Google Трамптың жарлығын орындағанымен, Apple әлі Карталар қолданбасында Мексика шығанағы немесе Денали атауын жаңартқан жоқ. Apple Maps қолданбасында «Америка шығанағы» дегенді іздегенде, қолданба нәтиже бермейді. Google бас директоры Сундар Пичай мен Apple бас директоры Тим Кук екеуі де басқа технологиялық алпауыттармен бірге Дональд Трамптың инаугурациясына қатысты. Тим Кук жеке өз есебінен Трамптың инаугурация қорына 1 миллион доллар берсе, осынша қаржыны Google компания атынан аударған.

Өйткені президенттер жер-су атауларын бір жарлықпен өзгертіп, қалаған аралды, каналды мемлекет меншігіне қайтарып алуға қауқарлы. Бұндай мықты басшымен миллиардерлер де дос болуды қалайды. 

Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.