Былтырғы жылдан бастап министрлік жоғарғы оқу орындарын зерттеу университеттеріне айналдыруды қолға алған. Осыған байланысты Ғылым және жоғары білім министрлігі зерттеу университеттерінің қандай мүмкіндікке жол ашатынын айтып берді, – деп хабарлайды Aikyn.kz.
Қазақстанда 10 жоғарғы оқу орнына зерттеу мәртебесі берілген
istockphoto.com
1,222
оқылды

Министрліктің мәліметінше, бүгінде 10 жоғарғы оқу орны зерттеу мәртебесін алды. Нақтырақ атап айтсақ: Назарбаев университеті, Л.Н. Гумилев атындағы Еуразия ұлттық университеті, Әл-Фараби атындағы Қазақ ұлттық университеті, Қ. Сәтпаев атындағы Қазақ ұлттық техникалық зерттеу университеті, М. Әуезов атындағы Оңтүстік Қазақстан университеті, Академик Е.А. Бөкетов атындағы Қарағанды  университеті, С.Ж. Асфендияров атындағы Қазақ ұлттық медицина университеті, Қарағанды медицина университеті, С. Сейфуллин атындағы Қазақ агротехникалық университеті, Қазақ ұлттық аграрлық университеті.

«Ғылым және жоғары білім министрінің 2024 жылғы 3 қазанда № 474 Жоғары және (немесе) жоғары оқу орнынан кейінгі білім беру ұйымдарына «зерттеу университеті» мәртебесін беру қағидалары мен өлшемшарттарын бекіту туралы  бұйрық қабылданды. Бұйрықтың негізгі мақсаты – жоғары және жоғары оқу орнынан кейінгі білім беру ұйымдары үшін «Зерттеу университеті» мәртебесін берудің неғұрлым айқын және ашық жүйесін құру», – делінген хабарламада.

Министрлік Қазақстандағы зерттеу университеті мәртебесі елдің ғылыми әлеуетін нығайтуға, адами капиталды дамытуға және инновациялар мен технологиялар саласындағы стратегиялық мақсаттарды іске асыруға бағытталғанын жеткізді.

«Қазақстанда зерттеу университеті мәртебесі жоғары оқу орындары үшін маңызды рөл атқарады және ғылымды, технологияларды, білім беруді дамытуға ерекше мүмкіндіктер береді. Зерттеу университеттері елдің экономикалық дамуына байланысты өзекті мәселелерді шешуге шоғырланады, мысалы, Энергетика және жаңартылатын энергия көздері, Цифрландыру және IT технологиялар, Аграрлық және биотехнологиялар, Инженерлік ғылымдар және жасыл экономика. Оның үстіне, зерттеу университеттері стартаптардың құрылуын және ғылыми әзірлемелердің коммерциялануын ынталандырады. Мысалы, олар технопарктер, бизнес-инкубаторлар және зертханалар құрып, студенттер мен ғалымдарға экономика үшін пайдалы өнімдерді әзірлеуге мүмкіндік береді», – деп жазған хабарламада.