Ұлытау облысында шахтаның опырылуына байланысты үкіметтік комиссия құрылды, – деп хабарлайды Aikyn.kz.
Үкіметтің баспасөз қызметі мәліметінше, Премьер-Министр Олжас Бектеновтің тапсырмасы бойынша Ұлытау облысы Жаңаарқа ауданында шахтаның опырылуының себептерін анықтау және зардап шеккендерге көмек көрсету үшін арнайы комиссия құрылды.
Комиссияны Премьер-Министрдің орынбасары Қанат Бозымбаев басқарады. Вице-премьерге мемлекеттік органдар мен ұйымдардың жұмысын үйлестіру үшін оқиға орнына шұғыл бару тапсырылды.
Айта кетейік, Ұлытау облысында шахта опырылып, жеті жұмысшы үйінді астында қалды.
Жұмысшылардың аты-жөні белгілі болды.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.