Қазақстандық мәнерлеп сырғанаушы Михаил Шайдоров Оңтүстік Кореяның Сеул қаласында өткен Төрт құрлық чемпионатында жеңімпаз атанды, – деп хабарлайды Aikyn.kz.
Шайдоров қысқа бағдарламадан кейін көш бастап, өз басымдылығын еркін бағдарламада да сақтап қалды. Ол төрешілерден 190,37 ұпай жинап, жалпы 285,10 ұпаймен алтын медаль иеленді.
Күміс жүлде оңтүстіккореялық Ча Джун Хванға бұйырды – 265,02 ұпай. Қола жүлдені америкалық Джимми Ма иеленді – 245,01 ұпай. Қазақстандық тағы бір спортшы Диас Жиренбаев 166,34 ұпаймен 19-орынға тұрақтады.
Айта кетейік, Михаил Шайдоров – Төрт құрлық чемпионатында алтын алған екінші қазақстандық спортшы. Бұған дейін 2015 жылы Денис Тен дәл осы Сеулде жеңіске жеткен болатын. 2019 жылы Элизабет Тұрсынбаева күміс жүлдегер атанған еді.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.