Чемпионаттаң тағы бір жаңа есімі – Таир Сарманов қола жүлдегер атанды.
Теннистен Қазақстан чемпионатының жеңімпаздары анықталды
Фото: ҚТФ
474
оқылды

Елордадағы "Даулет" теннис орталығында ересектер арасындағы Қазақстанның қысқы теннис чемпионаты аяқталды, – деп хабарлайды Aikyn.kz.

Федерацияның баспасөз қызметінің мәліметінше, қыздар арасында алтын медаль үшін өткен финалда Альбина Какенова мен Іңкәр Дүйсебай кездесіп, тартысты ойын көрсетті. Бір жарым сағатқа созылған матчта Іңкәр Альбинаны 6:4, 7:5 есебімен жеңіп, алғаш рет Қазақстан чемпионы атанды. Қола медаль үшін болған кездесуде Аружан Сагандыкова Ева Корышеваны 3:6, 6:3, 6:2 есебімен жеңіп, ерік-жігер танытты.

Ерлер арасында былтырғы чемпион Григорий Ломакин өз атағын сәтті қорғап, шымкенттік теннис мектебінің өкілі Никита Николенконы сенімді түрде жеңді. Николенко биылғы чемпионаттың басты жаңалығы болды. Финалдың қорытынды есебі – 6:4, 6:2.

Чемпионаттың тағы бір жаңа есімі – Таир Сарманов қола жүлдегер атанды. Ол қола медальға ие болды. Үшінші орын үшін өткен кездесуде Таир Артём Сидоровты жеңді. Бірінші сетте Сарманов 6:2 есебімен басым түсті, ал екінші сетте Артём жарақатына байланысты ойынды жалғастырудан бас тартты.

Жұптық сайыстың нәтижелері:

Әйелдер:

1-орын – Сандуғаш Кенжибаева / Аружан Сагандыкова

2-орын – Сатима Төреген / Іңкәр Дүйсебай

3-орын – Анастасия Крымкова / Альбина Какенова

Ерлер:

1-орын – Григорий Ломакин / Виталий Зацепин

2-орын – Таир Сарманов / Ерасыл Бахтияр

3-орын – Темірлан Кәрім / Артём Сидоров

Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.