ҚР ЕХӘҚМ Әлеуметтік қорғау саласын дамытудың ұлттық ғылыми орталығы 2024 жылы халыққа көрсетілетін қызметтердің сапасын жақсарту мен көлемін арттыруда айтарлықтай жетістіктерге жетіп, сурдологиялық әдістердің саны және кохлеарлы импланттары бар балаларға көрсетілетін көмек көлемін арттырып, 3D-технологияларды пайдалана отырып протездеу процестері жетілдірген, – деп хабарлайды Aikyn.kz.
Мәселен, өткен жылы ҰҒО-да халықтың сурдологиялық қабылдауларының саны 10%-ға, медициналық-техникалық комиссияның консультациялары 28%-ға артқан.
Азаматтардың өтініштерінің өсуіне байланысты есту-сөйлеуді оңалтуға тартылған қызметкерлер штаты кеңейтілді. Сонымен бірге жұмыстың осы бағыты бойынша 25 маман біліктілігін көтеруден өтті. Күндізгі және тәулік бойы бақылау жағдайында есту-сөйлеуді оңалту барысында кохлеарлық импланттаудан кейін балалармен жұмыс істеу үшін жаңа әдістемелік және білім беру бағдарламалары әзірленді. Тәулік бойы бақылау жағдайында Қазақстанның шалғай өңірлерінен кохлеарлық импланттары бар балаларға көмек көрсету деңгейі артты, соның ішінде Абай және Ұлытау облыстарының пациенттері де қосымша қамтылды. Осылайша, 17 өңірдегі осындай жәрдемге мұқтаж балаларға тиісті көмек көрсетілді, – делінген хабарламада.
Бұдан басқа ҰҒО-ға протездік-ортопедиялық салада инновациялық технологиялар енгізіліп, 3D-технологияларды пайдалана отырып протездеудің технологиялық үдерістері жетілдірілген.
Мемлекеттік тапсырыс аясында 248 протездік-ортопедиялық бұйымдар жасалып, оның 6-ы инновациялық, 242-сі жаңа технологиялар арқылы жүзеге асқан.