«AMANAT» партиясы Шымкент қалалық филиалының төрағасы Мұрат Жолдыхожаев, партия филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңестің төрағасы Берген Ержаппар және кеңес мүшелері мен бірқатар мәслихат депутаттарымен бірге ҚР ІІМ ҚАЖК «№54 мекеме» республикалық мемлекеттік мекемесіне барып, жұмыс барысымен танысты.
Түзету мекемесі жұмысымен танысты
811
оқылды

Кездесу барысында мекеме бас­шы­лығы түзету мекемесінің жұмысын ег­жей-тегжейлі баяндап, мекемеде жүр­гізіліп жатқан оң өзгерістер мен ре­формалар туралы мәлімет берді. Бұл жұмыстардың барлығы сотталған азаматтардың құқықтарын қорғауға жә­не олардың қоғамға қайта бейім­делуіне бағытталған.

Сондай-ақ түзету мекемесінде сот­­талған азаматтармен арнайы кез­де­су өтті. Жиынның негізгі мақсаты – сы­байлас жемқорлықтың қоғамға тигізер теріс салдарын түсіндіру, оның алдын алу және заңбұзушылықтардан аулақ болуға шақыру болды. Партия өкіл­де­рі бұл шараға қатысушыларға сы­бай­лас жемқорлыққа қарсы күрестің мем­лекет тарапынан жүйелі түрде жүр­гізіліп жатқанын, бірақ қоғамның әр­бір мүшесінің осы іске белсене қа­тысуы қажет екенін айтты.

Кездесу барысында Мұрат Жол­ды­­­хожаев пен Берген Ержаппар сот­тал­ған азаматтарға сыбайлас жем­қор­лық­тың әлеуметтік және құқықтық сал­дарларын, оның қоғамдағы тұ­рақ­ты­лық пен әділеттілікке қаншалықты зиян келтіретінін түсіндірді. Олар сыбайлас жемқорлықтың елдің да­муы­на және әр азаматтың өмір сапа­сы­на тікелей әсер ететінін, сондықтан да осы құбылыспен күресудің маңыз­ды екенін айтты.

Мемлекет басшысы Қасым-Жомарт Тоқаев сыбайлас жемқорлықтың қо­ғам үшін үлкен қауіп-қатер туын­да­тып, мемлекеттік институттардың тиім­ділігін айтарлықтай төмен­де­те­тінін бірнеше рет атап өткен болатын. Осы мәселемен күресті әрдайым ке­шен­ді түрде жүргізіп, оның алдын алу­ға бағытталған шараларды кү­шей­туді міндеттеді. Бүгінгі күні өтіп жат­қан шара да Президенттің осы маңыз­ды бастамаларын жүзеге асыруға ба­ғытталған нақты қадам болып та­бы­лады.