Бүгін, 27 ақпанда Болгария астанасы Софияда өтіп жатқан Странджа кубогінде өзбекстандық Олимпиада чемпионы Хасанбой Дусматов бірінші жекпе-жегін өткізді , – деп хабарлайды Aikyn.kz Vesti.kz-ке сілтеме жасап.
54 келіде өнер көрсететін өзбекстандық боксшы жарысты 1\4 финалдан бастап, франциялық Гипократ Кристовермен жұдырықтасты. Үш раунд қорытындысы бойынша төрешілер 4:1 есебімен жеңісті франциялық боксшыға берді.
Бұл мүлде күтпеген нәтиже болды. Өйткені Дусматов - екі дүркін Олимпиада чемпионы. Ал бұған дейін Дусматовпен финалда айқасқанын көреміз деген қазақстандық боксшы Махмұт Сабырхан да жекпе-жекке шығатын күні жұдырықтаса алмайтыны белгілі болды.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.