Асық ату спортынан Астана қаласының чемпионаты өтті, – деп хабарлайды Аikyn.kz
Елорда әкімдігінің ресми сайтындағы мәліметке сәйкес, дәстүрлі түрде ұйымдастырылатын біріншілікке 2009-2011 жылы туған жасөспірімдер қатысып, «Шеңбер» және «Бес табан» ойыны бойынша бақ сынасты.
«Астана қаласының ашық біріншілігіне 11 команда, барлығы 47 ойыншы қатысып отыр. Чемпионатқа қатысуға қаламыздағы спорт кешендерінен бөлек, ағылшынша білім беретін оқу ордаларының бірі – «Қуанту» мектебі де қызығушылық танытты. Осы жарыстан жеңгендер республикалық біріншілікке жолдама алады», – деді жарыстың бас төрешісі Дулат Омаров.
Аталған жарысқа қатысушылар арасында спорт шеберіне үміткерлер де бар.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз