Әзербайжанның Гянджа қаласында адам сенгісіз тұрмыстық зорлық-зомбылық жағдайы тіркелді. Күйеуі әйелін балта мен арматурамен ұрып, оған көптеген жарақат салған, – деп хабарлайды Aikyn.kz
Oxu.Az bakupost.az сайтына сілтеме жасап, оқиғаның 28 ақпанда болғанын жазады.
Алдын ала мәліметтерге сәйкес, Елхан Әбдиев (Е. Әбдиев) 1991 жылы туған әйелі Хумай Әбдиеваны бірнеше сағат бойы ұрып-соғып, азаптаған. Бұл жантүршігерлік оқиға олардың екі баласы – 12 жастағы Мазахир мен 7 жастағы Нилайдың көзінше болған.
Шабуылшы жуынатын бөлмеде де қорлауын жалғастырып, әйелінің шашынан сүйреп, басын қабырғаға бірнеше рет соққан. Сондай-ақ оны және балаларын өлтіремін деп қорқытқан.
Оқиға алдында Е.Әбдиев әріптесіне қоңырау шалып, жұмысқа шықпайтынын ескерткен, бұл қылмыстың алдын ала жоспарланғанын көрсетеді.
Жәбірленуші өзі медбике болып жұмыс істейтін Гянджа халықаралық ауруханасына жеткізілді. Дәрігерлердің айтуынша, оның жағдайы ауыр.
Күдікті қамауға алынды, тергеу амалдары жүргізіліп жатыр.
Сараптама, зерттеу мақала, күнделікті өзекті ақпаратты «Айқынның»TELEGRAM арнасынан табасыз.