Комитет төрағасы Павел Казанцев биылғы көктемгі су тасқыны кезеңіне еліміздің және алыс-жақын аймақтағы өңірлердің ахуалын біліп, гидротехникалық құрылыстардың жай-күйін анықтады.
Оның айтуынша, 24 ақпан күні 2025 жылғы су тасқыны кезеңінің салдарын жою және апаттың алдын алу іс-шараларды үйлестіру бойынша Республикалық штаб құрылған.
– Штабтың басшысы – Премьер-Министр Олжас Абайұлы Бектенов. Оның орынбасары – Премьер-министрдің орынбасары Қанат Алдабергенұлы Бозымбаев бекітілді. Сондай-ақ, штаб құрамына Министрлер кабинетінің бірқатар басқа мүшелері, Ұлттық қауіпсіздік комитетінің басшысы, облыс әкімдері және басқа да жоғары лауазымды тұлғалар кірді. Осындай дүниенің құрылу керегін екі жыл бойы қозғап келдік. Енді, міне, құрылды. Мемлекет басшысы Қасым-Жомарт Тоқаев 2019 жылдан бері осы мәселені көтеріп, шалғайдағы ауыл-аймақтың су тасқынынан зардап шекпеуін жергілікті әкімдік тарапынан ғана емес, Үкімет тарапынан да қадағалап, оған барынша атсалысу керегін ескертіп келді. 13 ақпанда Премьер-министр Олжас Бектеновтің төрағалығымен көктемгі су тасқыны кезеңіне дайындығы бойынша өткен үлкен республикалық жиында, үкімет басшысы «елдің бұл кезеңге толығымен дайын деп айту әлі ерте. Кейбір мәселелер әлі шешілмеген. Әсіресе су басып қалады деген аймақтарды толыққанды бақылауға алу қажет» деген болатын, – деді Комитет төрағасы Павел Казанцев.
Су ресурстары және ирригация министрлігінің деректері бойынша республика аумағында барлығы 1395 тірек гидротехникалық құрылыс (су қоймасы - 404, бөгет - 137, бөгет - 464, су торабы - 123, тоғандар - 265, су өткізу/су төгу құрылыстары - 2) бар, оның ішінде республикалық меншікте – 243, коммуналдық меншікте – 914, жеке – 234, иесіз – 4 (өткен жылы 9 болған).
Осы тексерудің нәтижесінде жөндеуді қажет ететін 564 МТҚ(оның ішінде 3 иесіз) анықталды, оның ішінде 544 МТҚ нашар бағаланса, 20 шақтысы апаттық жағдайда екен.