Ербол Хамитов пара шаңғыдан әлем чемпионатында қола жүлдеге ие болды.
Қазақстандық параспортшы Норвегияда жүлдегер атанды
Фото: gov.kz
267
оқылды

Норвегияның Тронхейм қаласында өткен тірек-қимыл аппараты зақымдалған спортшылар арасындағы әлем чемпионатында Ербол Хамитов қола жүлдегер атанды, – деп хабарлайды Aikyn.kz Туризм және спорт  министрлігіне сілтеме жасап.

LW12 санатындағы спринт жарысында отандасымыз мәре сызығын 2:42.45 уақыт нәтижесімен үшінші болып кесті.

Алтын жүлдені бразилиялық Вестемайер Рибера Кристиан (2:42.06) жеңіп алса, күміс медаль украиналық Баль Павлоға (2:45.93) бұйырды.

Сондай-ақ жерлесіміз жуырда ғана пара шаңғы жарысынан Әлем кубогінде күміс медаль иеленген еді.

Айта кетейік, бұл бәсеке 2026 жылы Милан мен Кортинада өтетін қысқы Паралимпия ойындарына рейтингтік ұпай беретін негізгі жарыс.

Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.