Дәрігерлер баланың көп жері жарақаттанғанын айтты.
Жамбылда 10 жастағы баланы ит талап тастады
www.istockphoto.com
686
оқылды

Жамбыл облысында қаңғыбас иттер 10 жастағы баланы талап тастады, – деп хабарлайды Aiqyn.kz сайты Halyqstan сайтына сілтеме жасап.

Оқиға 25 ақпанда болған. Бала сабақтан үйіне қайтып келе жатқан кезде үйінің жанында бірнеше қаңғыбас ит тап беріп, талап тастай жаздаған.

Бала шұғыл түрде орталық аудандық ауруханаға жеткізілді. Дәрігерлер баланың көп жері жарақаттанғанын айтты. Оның басының самай тұсынан, маңдайы, екі беті мен мұрны жарақат алған.

«Бала ауруханаға түскен кезде алғашқы медициналық көмек көрсетілді. Жаралары өңделіп, антибиотиктер тағайындалды. Психолог пен офтальмолог дәрігерлер баланың ата-анасына  кеңес беріп, оны бүгін үйіне шығарды. Қазір жағдайы қанағаттанарлық», – деді Байзақ ауданының әкімі Олжас Баққараев.

Естеріңізде болса, бұған дейін қаңғыбас иттердің қауіп тудыратын айтқан болатынбыз.