Еліміздің екі аймағында, яғни Ұлытау мен Қарағанды облыстарында 20 шақты адам қар құрсауынан құтқарылды. Бұл туралы Төтенше жағдай министрлігінің telegram каналы хабарлады.
Ұлытау облысы Жаңаарқа ауданы Жаңаарқа ауылынан 40 шақырым жерде «Қарағанды-Самарка-Атасу-Айнабұлақ» автожолының жабық учаскесінде адамдар мінген 2 жеңіл көлік қар құрсауында қалып қалған. Салдыраның құтқарушылары боранда түні ондаған шақырым қалың қарлы жолды еңсеріп, 11 адамды құтқарып, аман-есен Жаңаарқа кентіне жеткізілді.
Құтқарылған 11 адамның алтауы бала.
Дәл сол кездерде Қарағанды облысы Абай ауданы Ақбастау ауылынан 5 шақырым жерде қар құрсауында 3 жеңіл көлік тұрып қалған. Нәтижесінде құтқарушылар 5 адамды құтқарып, Ақбастау ауылына жеткізілді.
Сондай-ақ, Қарағанды облысы Бұхар-Жырау ауданында Құрылыс ауылының манында қар құрсауында 4 адам мінген жеңіл көлік тұрып қалған. Құтқарушылар көлікті жолдың тазартылған учаскесіне сүйреп шығарды.
Олардың ешбіріне медициналық көмек қажет болмады.