Алматы халықаралық әуежайында кепілге алынған бойжеткен әлеуметтік желідегі жеке парақшасында өзін ажалдан арашалап қалған құтқарушысымен бірге түскен суретін бөлісті, – деп хабарлайды Аikyn.kz сайты Qaz365.kz сілтеме жасап.
– Менің құтқарушым! Екінші рет дүниеге келуіме Мұса ағам себепкер, – деп жазды ол суреттің астына.
Мұса Әбдірайымның айтуынша, бұл жағдайдан кейін қыздың әкесі хабарласып, қонаққа шақырған екен.
– Өзім аман алып қалған қыздың жағдайын білуді азаматтық парызым деп санап, шақыруды қабыл алдым. Олар мені өте жылы қарсы алды. Қазір Ботагөздің жағдайы жақсы, кішкентай қызы бар екен, – деді Мұса Әбдірайым.
Айтар болсақ, әуе қызметкерін құтқарғаны үшін Мұса Әбдірайым Президенттің "Ерлігі үшін" медалімен марапатталды.