Қарағанды қаласында бір қабатты жеке тұрған кафеде өрт шықты, – деп хабарлайды Aikyn.kz сайты.
Төтенше жағдайлар министрлігінің мәліметінше, ғимараттағы ағаш конструкциялар отқа оранған, ал құтқарушылар жеткенге дейін газ-ауа қоспасының жарылысы болған.
Өрт сөндірушілер тілсіз жауды ауыздықтау кезінде екі тұрмыстық газ баллонды қауіпсіз жерге шығарды, бұл үлкен жарылыстың алдын алуға көмектесті. Жалын 60 шаршы метр аумақты шарпығанымен, дер кезінде сөндірілді. Бірақ зардап шеккендер жоқ. Қазір өрттің шығу себебі анықталып жатыр.