Оның пікірінше, Ясауидің мұрасын түсіну үшін алдымен шариғат негіздерін меңгеріп, содан кейін ғана тариқат пен мағрифат жолына өту керек. Яғни, оның ілімін біржақты түсінбей, толыққанды зерттеу қажет.
Ясауиді тек зікірмен шектеуге болмайды – дінтанушы
видеодан кадр
765
оқылды

Қазір Ясауи десе, алдымен сопылық ілім жайлы сөз болады. Оны кеңінен насихаттап жүргендер де бар, – деп хабарлайды Aikyn.kz сайты.

Алайда Ясауиді тек зікірмен байланыстырмай, оның рухани-моральдық ілімін тереңірек түсіну қажет. Qasqa Jol YouTube арнасының кезекті шығарылымында қонақта болған кәсіби коуч, халықаралық дәрежедегі парапсихолог, дінтанушы Айнұр Әбдірәсілқызы осы түсініктердің аражігін ажыратып, мән-маңызын түсіндірді.

Дінтанушының айтуынша, кей адамдар зікір, салауат айтуды жеткілікті санап, бес уақыт намазды орындамай жатады. Бұл –  шаласауатты коучтар мен діндарлардың ықпалымен қалыптасқан қате түсінік.

"Бес парыздың бірі – намаз. Ақыретке дейін көзің тірі болса, оны орындау міндет. Басқа төрт парызда белгілі бір жағдайларға байланысты үзір бар, бірақ намаз ешқандай себеп-сылтауды қабылдамайды", – дейді Айнұр Әбдірәсілқызы.

Сонымен қатар ол Ясауидің тек зікірмен шектелмейтінін, оның адамзат тарихындағы ерекше тұлға екенін атап өтті.

"Ясауи – өте талғампаз, текті әулие. Ол нағыз ақын ретінде пенделік күйініш-сүйініштің барлығын жырлап, адам руханиятына жасалған қиянаттарға шын күйінген. Ол рухани кемелдікке жетудің жолдарын іздеген сезімтал, кірпияз тұлға", – дейді дінтанушы.

Оның пікірінше, Ясауидің мұрасын түсіну үшін алдымен шариғат негіздерін меңгеріп, содан кейін ғана тариқат пен мағрифат жолына өту керек. Яғни, оның ілімін біржақты түсінбей, толыққанды зерттеу қажет.