Қазақстан мұсылмандары діни басқармасы (ҚМДБ) қасиетті Рамазан айында қайырымдылық шарасын ұйымдастырып, 3 500 мұқтаж отбасына азық-түлік себеттерін үлестірді, – деп хабарлайды Aikyn.kz сайты.
ҚМДБ төрағасы, Бас мүфти Наурызбай қажы Тағанұлы бұл игі бастаманың Діни басқарманың 35 жылдығына орай қолға алынғанын атап өтті.
"Біз 35 жылдық мерейтойға орай "35 мың азық-түлік себетін тарату" акциясын бастадық. Жоба жыл бойы жалғасады және көмекке мұқтаж жандарға қолдау көрсетіледі," – деді Бас мүфти.
Қайырымдылық марафоны аясында ұйымдастырылған іс-шараға мешіт имамдары, "Зекет және қайырымдылық" қорының қызметкерлері, еріктілер мен демеушілер белсене атсалысты.
Айта кеткен жөн, бұл бастама жыл соңына дейін жалғасып, барлығы 35 мың отбасына азық-түлік себеттерін жеткізу жоспарланып отыр.