Көшеде ұзақ тұрмаңыз – аяз бен жел үсік шалуға себеп болуы мүмкін.
Астанада боран: құтқарушылар тұрғындарға үндеу жасады
Фото: Gov.kz
1,321
оқылды

Астана қаласында 11 наурызда кей уақыттарда қар, төменгі бұрқасын, көктайғақ болады. Осыған байланысты құтқарушылар үндеу жасады, – деп хабарлайды Aikyn.kz елорда әкімдігіне сілтеме жасап.

Оңтүстік-батыстан соғатын жел солтүстік-шығысқа ауысады, түнде және таңертең екпіні 15-18 м/с болуы мүмкін. Осыған орай, Астана қаласы ТЖД қатты жел және бұрқасын кезінде жарақат алмау үшін азаматтарға қауіпсіздік шараларын сақтауды ұсынады: 

«112» құтқару қызметінен ауа райының нашарлауына байланысты дауылды ескерту туралы SMS-хабарлама алған кезде оларға назар аударыңыз; 

Ауа райы жағдайы мен автожолдардағы көлік қозғалысының шектеулері туралы ақпаратты бақылаңыздар; 

Дауылды ескерту жариялаған кезде, әсіресе қараңғы уақытта алыс жерлерге сапарға шығудан бас тартып, жаяу жүруден аулақ болыңыздар; 

Қыс мезгілінде сақтық шараларын сақтаңыз; 

Жеке көлікпен жолға шықпаңыз. Егер қажет болса, қоғамдық көлікті пайдаланыңыз және маршрутыңызды алдын ала жоспарлаңыз, көшеде абай болыңыз. 

Боран мен жел көрінуді қиындатуы мүмкін, жолдар тайғақ болады. Жылы киім, тайғақтан қорғайтын аяқкиім киіңіз; 

Жылыту жүйесін тексеріңіз. Үйіңізде жылыту дұрыс жұмыс істейтініне және отын жеткілікті екеніне көз жеткізіңіз; 

Көшеде ұзақ тұрмаңыз – аяз бен жел үсік шалуға себеп болуы мүмкін. 

Төтенше жағдайлар туындаған кезде «101» және «112» нөміріне хабарласыңыздар!

Сараптама, зерттеу мақала, күнделікті өзекті ақпаратты «Айқынның» Telegram  арнасынан таба аласыз.