Сербияның Ниш қаласында (9-16 наурыз аралығында) әйелдер арасындағы бокстан 2025 жылғы әлем чемпионаты жалғасуда, – деп хабарлайды Aikyn.kz.
Бұл турнирге 51 елден 239 спортшы қатысып жатыр. Қазақстан Ресей, Сербия, Қытай, Түркия және Өзбекстанмен бірге барлық 12 салмақ дәрежесінде спортшыларын ұсынды.
Қазақстанның атынан 2025 жылғы әлем чемпионатына қатысатын құрам:
48 келі – Назым Қызайбай
50 келі – Алуа Балқыбекова
52 келі – Анита Адишева
54 келі – Жайна Шекербекова
57 келі – Карина Ибрагимова
60 келі – Виктория Графеева
63 келі – Аида Әбікеева
66 келі – Жасмин Қизатова
70 келі – Наталья Богданова
75 келі – Надежда Рябец
81 келі – Гүлсая Ержан
81 келіден жоғары – Елдана Тәліпова.
9 наурызда жарыстың алғашқы күнінде қазақстандық спортшылар екі жекпе-жек өткізіп, жеңіске жетті:
50 келі – Алуа Балқыбекова Вероника Нзиваны (Кения) жеңді.
81 келіден жоғары – Елдана Тәліпова өзбекстандық Олтин Сотимбоевадан басым түсті.
10 наурызда 1/16 финалында келесі жекпе-жектер өтті:
52 келі – Анита Адишева мексикалық Эсмеральда Жасмин Патиньо Хуареске төрешілердің бөлек шешімімен (2:3) есе жіберді. Үшінші раундта төреші Патиньо Хуареске нокдаун санағанымен, бұл жекпе-жектің қорытындысына әсер етпеді. Осылайша, Адишева жарысты ерте аяқтады.
54 келі – Жайна Шекербекова әлем чемпионатының 1/8 финалында сәтті өнер көрсетті. Ширек финалда ол мексикалық Ариадна Жанет Хиль Алонсомен кездесіп, 5:0 есебімен жеңіске жетті. Бұл жекпе-жек Шекербекова үшін турнирдегі алғашқы кезең болды. Бастапқы кезеңде ол IBA Fair Chance Team атынан сынға түсетін боливиялық Джускарли Патрисия Бесерра Монтесиноспен кездесуі керек еді, бірақ қарсыласы рингке шықпағандықтан, қазақстандық спортшы жекпе-жексіз келесі кезеңге өтті.
11 наурызда алты қазақстандық спортшы шаршы алаңға шықты. Қазақстан құрамасының жекпе-жектері:
50 келі: Алуа Балқыбекова–Ясмин Мутаки (Марокко)
54 келі: Жайна Шекербекова – Жанет Алонсо (Мексика)
60 келі: Виктория Графеева – София Легаки (Греция)
63 келі: Аида Әбікеева – Чжао Шоюй (Қытай)
66 келі: Жасмин Қизатова – Ивануса Гомес (Кабо-Верде)
81 келі: Гүлсая Ержан – Вансяо Мэн (Қытай)
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.