«Наурызнама» тұжырымдамасы аясында 15 наурыз – Қайырымдылық күніне орай, Астана қаласының Дене шынықтыру және спорт басқармасына қарасты мекемелер бірлесіп, «Шарапат» әлеуметтік қызмет көрсету орталығына барып, қарт спортшыларды Наурыз мерекесімен құттықтады, – деп хабарлайды Аikyn.kz
Астана әкімдігінің ресми сайты таратқан мәліметке сәйкес, кездесу барысында ардагерлермен жүздесіп, тоғызқұмалақ, дойбы, бильярд ойнап, ән айтып, емен-жарқын әңгімелесіп, оларға құрмет көрсетілді. Ардагерлер өз алғыстарын білдіріп, жастарға ақ баталарын берді.
«Бізді елеп, арнайы келіп, сыйлықтар әкеліп, қуаныш сыйлағандарыңызға рақмет! Жастар, сендерге өмірдің барлық жақсылығын тілейміз. Дендерің сау болып, елге адал қызмет етіңдер!» – деп ақсақалдар ағалық-апалық ақ тілектерін жеткізді.
Іс-шара барысында қарттарға шағын сый-сияпаттар тарту етіліп, олар үшін ерекше мерекелік атмосфера ұйымдастырылды.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз