Қарағанды облысында су тасқынын алдын алу жұмыстары жалғасуда, – деп хабарлайды Аikyn.kz
ТЖМ мәліметінше, бүгін Осакаров ауданы Николаевка ауылының маңындағы Сабырқожа өзенінде мұз кептелістерін жою үшін 8 559 шаршы метр аумақта мұз жару жұмыстары жүргізілді.
– Осындай іс-шаралар Нұра, Өткелсіз, Жаманқон, Құланөтпес, Есіл және Үлкенқұндыз өзендерінде өткізілді. Жалпы жарылыс жұмыстарымен 14 мың шаршы метрден астам аумақ қамтылды, – деп жазылған хабарламада.
Сондай-ақ өңірде су тасқыны қаупін азайту үшін 2,3 миллион текше метрден астам қар шығарылды, 10 тоннадан астам инертті материал төгіліп, 87 шақырымнан астам арық пен 3 765 су өткізу құрылысы тазартылды, 42 шақырымнан астам траншея қазылды, 11 мыңнан астам инертті материалдар салынған қаптар төселді.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз