23 наурыз күні Степногор-Заводской тасжолында жол апаты болды. Салдарынан 4 адам оқиға орнында алған жарақаттарынан қаза тапты, тағы екі баланың жағдайы ауыр, – деп хабарлайды Aikyn.kz Zakon.kz-ке сілтеме жасап.
Ақмола облысы Полиция департаментінің баспасөз қызметі жол апаты "ВАЗ" автокөлігі мен YUTONG автобусының қатысуымен болғанын нақтылады.
– Апат салдарынан жүргізуші мен көліктегі үш жолаушы оқиға орнында жан тапсырды. Түрлі жарақаттары бар тағы екі кәмелетке толмаған жолаушы медициналық мекемеге жеткізілді. Қазіргі уақытта сотқа дейінгі тергеу амалдары қолға алынды, оның нәтижелері бойынша процессуалды шешім қабылданады, – делінген хабарламада.