Ақтөбеде полиция қызметкері қызметтік қаруды қолдану кезінде қауіпсіздік ережелерін өрескел бұзып, танысын жарақаттады, – деп хабарлайды Aikyn.kz.
Облыстық Полиция департаменті баспасөз қызметінің мәліметінше, оқыс оқиға 25 наурыз күні болған.
– Алдын ала мәлімет бойынша, полиция қызметкері қауіпсіздік шараларын сақтамай, өзінің қызметтік қаруынан бір рет абайсызда оқ атқан, нәтижесінде оның танысы жарақаттанған. Зардап шегуші медициналық мекемеге жатқызылды.Осы факті бойынша ҚР ҚК-нің 371-бабы («немқұрайлылық») бойынша сотқа дейінгі тергеу басталды. Болған оқиға анықталып жатыр. Қызметкер қызметтік міндеттерін орындаудан шеттетілді. Тергеу барысы Полиция департаментінің бақылауында, – деп мәлімдеді Ақтөбе облыстық ПД.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.