ҚР Төтенше жағдайлар министрлігінің Ақтөбе облысы Есет батыр Көкіұлы атындағы 20982 әскери бөліміне су тасқынына қарсы шараларға арналған заманауи арнайы автокөліктер берілді, – деп хабарлайды Aikyn.kz
Жаңа техникалар КамАЗ базасында жасалған.
Техникалардың кілтін салтанатты түрде ТЖМ Төтенше жағдайлардың алдын алу комитетінің төрағасы Серік Жүнісбеков табыстады. Ол өз сөзінде:
«Бұл көліктер – жай техника емес, төтенше жағдай кезінде адамдардың өмірін құтқаруға арналған маңызды құрал. Біз әрқашан дайын болуымыз керек», – деп атап өтті.
Қазіргі таңда бұл техникалар су тасқынына қарсы күресте белсенді түрде қолданылып жатыр. Олар арқылы жеке құрам мен жабдықтар тасымалданып, су басқан аумақтардағы халыққа көмек көрсетілуде.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз